عثمان وزیر د پاکستان لپاره په اول ځل د نړیوال سوک وهنې په سیالیو کښې لومړې مقام ترلاسه کړې

باغی ټي وي رپورټ
باکسر عثمان وزیر د پاکستان لپاره د پروفیشنل سوک وهنې په برخه کې د لومړي نړیوال لقب په ګټلو سره تاریخ جوړ کړ.

د پاکستان عثمان وزیر د تایلینډ باکسر سومپوت سیسا ته ماتې ورکړه او د ځوانانو د نړیوال جام اتلولي یې خپله کړه، دا په مسلکي باکسر کې د یوه پاکستاني باکسر لپاره لومړی نړیوال لقب دی.
د باکسنګ ورلډ یوتھ آرګنائزیشن تر سیوري لاندې د تهایی لینډ په بنکاک ښار کې د ځوانانو د اتلولۍ مقابله وشوه چې پکې ملي اتل عثمان وزیر د تهایی لینډ لوړ رتبه باکسر سومپوت سیسا ته په شپږم پړاو کې ماتې ورکړه.

پاکستان په لومړي ځل د بوکسنګ د نړیوال سازمان تر سیوري لاندې په دې سیالیو کې په ۲۳ کلنو کې برخه اخیستې وه.

عثمان وزیر، د ګلګت بلتستان د استور سیمې قومي باکسر، د پاکستان لپاره د ABF آسیا عنوان او د ورلډ باکسینګ کونسل منځني ختیځ لقب هم ګټلی دی.
له بریا وروسته عثمان وزیر په خپل ویډیویي پیغام کې ویلي، چې د دې تاریخي سیالۍ لپاره یې ډېر چمتووالی نیولی و، نن یې د سختو هلو ځلو پایله ده او دی د پاکستان لومړی د باکسنګ نړیوال اتل شو.

هغه وویل چې زه خپل لقب خپلو والدینو ته وقف کوم چې تل یې زما ملاتړ کړی، زه د خپلو روزونکو څخه هم مننه کوم.

عثمان وزیر وویل چې ما دا لقب د حکومت له ملاتړ پرته ګټلی دی، زه د پاکستان له لومړي وزیر شهباز شریف او د ګلګت بلتستان له اعلی وزیر خالد خورشید څخه غوښتنه کوم چې په هیواد کې د سوک وهنې د استعداد ملاتړ وکړي ترڅو پاکستان ته د سوک وهنې په میدان کشې د عثمان وزیر په څیر نور لوبغاړي هم په لاس راشي.
……………….