تخار کې څلور تنه د یوې نجلۍ د خرڅېدلو پۀ تور نیول شوي دي 

تخار کې څلور تنه د یوې نجلۍ د خرڅېدلو پۀ تور نیول شوي دي 

په تخار کې د ا.ا د حکومت وياند عبدالمبين صافي وايي، د درېيو نارينه او يوې ښځې په ګډون څلورو کسانو يوه ځوانه نجلۍ د خپلې کورنۍ له اجازې پرته د پيسو په بدل کې پلورلې ده. د هغه په ​​وينا، دغه څلور تنه له هر اړخيزو څېړنو او د سيمې د اوسېدونکو په همکارۍ د تلې مياشتې په پنځمه نېټه د تخار د امنيې قوماندانۍ د منسوبينو له خوا ونيول شول.

(2022 / 9 / 28    نېټه باغي ټلویزیون)

بشپړ راپور 

په تخار ولایت کې د ا.ل سیمه ییزو چارواکو په دغه ولایت کې د یوې ځوانې نجلۍ د پلورلو په تور د څلورو کسانو د نیولو خبر ورکړی دی.

په تخار کې د ا.ا د حکومت وياند عبدالمبين صافي وايي، د درېيو نارينه او يوې ښځې په ګډون څلورو کسانو يوه ځوانه نجلۍ د خپلې کورنۍ له اجازې پرته د پيسو په بدل کې پلورلې ده. د هغه په ​​وينا، دغه څلور تنه له هر اړخيزو څېړنو او د سيمې د اوسېدونکو په همکارۍ د تلې مياشتې په پنځمه نېټه د تخار د امنيې قوماندانۍ د منسوبينو له خوا ونيول شول.

صافي وويل، چې د دغو څلورو کسانو دوسيه د ا.ا د حکومت له خوا عدلي ارګانونو ته سپارل شوې ده.