ترکیې هیواد ادعا کړی چې جنګي الوتکو یې د عراق په شمالي سيمو کې پر کردستاني ملیشو هوايي بريدونه کړي.
27 سپتمبر 2022
د ترکيې جنګي الوتکو د عراق په شمالي سيمو کې سخت هوايي بريدونه کړي دي. رسنيو ويلي چې دا بريدونه پرون شاوخوا درې نيمې بجې پيل شول او تر ماښامه يې دوام وکړ.
د عراقي کردستان چارواکو ويلي چې د ترکي الوتکو برېدونه په څو مختلفو کليو کې شوي خو په تړاو يې بشپړ جزيات نه دي ورکړي. د عراق په شمالي سيمو کې د ترکيې بريدونه نوې خبره نه ده، بلکې تر دې وړاندې يې هم په ځلونو د کردستان د کارګر ګوند يا پي کې کې پر خلاف ورته عمليات کړي دي.
ترکيه ادعا کوي چې د کردستان د کارګر ګوند اړوند وسله وال د عراق او سوريې په خاورو کې مرکزونه لري او له همدې مرکزونو په ترکيه کې ورانکاري فعاليتونه تنظيموي.
Leave a Reply