افغان فری فایټر خپل کاناډايي سیال ته ماته ورکړه

افغان فری فایټر خپل کاناډايي سیال ته ماته ورکړه 

له دې لوبې مخکې نصرت حقپرست په خپل انسټاګرام پاڼه کې یو پیغام خپور کړی و چې په کې ویلي و چې په افغانستان کې د رسمي حکومت د نه شتون له امله نه شي کولای چې ملي بیرغ له ځانه سره یوسي.

(2022 / 9 / 4  نېټه باغي ټلویزیون)

بشپړ راپور 

د افغانستان د فري فایټ ورزشکار نصرت حقپرست تېره شپه خپل کاناډايي حریف ته په ماتې ورکولو سره د فری فایټ په سیالیو کې خپله ۱۴مه بریا خپله کړه.

د شنبې په شپه، د ثور په 12، نصرت حق پرست وتوانید چې د نړۍ ترټولو لوی د آزادې مبارزې سازمان (UFC) په سیالیو کې د دریو پړاوونو وروسته خپل کاناډایی سیال ته ماتې ورکړي.

حقپرست وتوانید چې کاناډایي جان مکدیسي ته د پوائنټونو په مقابل کې ماتې ورکړي او په ازادو سیالیو کې یې خپله ۱۴مه بریا ترلاسه کړه.

دا سیالي په فرانسه کې د نړۍ د ازادو مبارزو سازمان لخوا تنظیم شوې وه.

له دې لوبې مخکې نصرت حقپرست په خپل انسټاګرام پاڼه کې یو پیغام خپور کړی و چې په کې ویلي و چې په افغانستان کې د رسمي حکومت د نه شتون له امله نه شي کولای چې ملي بیرغ له ځانه سره یوسي.

حق پرست د افغانستان د ملي بیرغ د نه پورته کولو له امله بښنه وغوښته.

هغه زیاته کړه چې د مراکش له مرستې څخه د مننې په خاطر غواړي چې د دغه هیواد بیرغ نندارې ته وړاندې کړي تر څو د دغه هیواد احسان پر ځای کړي.

د یادولو وړ ده چې نصرت حق پرست د افغانستان د مارشل آرټ د مخلوط ورزشکار دی او په جرمني کې ژوند کوي. هغه د 2012 راهیسې په سپورت کې کار کوي او اوس په UFC کې سیالي کوي.