د لندن څخه غلا شوې موټر د کسټم اهلکارو د کراچۍ څخه برامد کړې دې

باغی ټي وي رپورټ
د پاکستان ګمرک اهلکارو د کراچۍ په کلفټن او ډيفنس سيمه کې کاروائي کړې او د کروړونو روپو په ارزښت يې دوه ګاډي نيولي، په ترلاسه شوو ګاډو کې يو د لندن نه غلا شوی دی.
په يو بل کاروائي کښې د کسټم چارواکو په کلفټن کښې د استوګنې په ودانۍ چاپه ووهله او د کروړونو روپو په ارزښت نان کسټم پيډکار يې قبضه کړے دے.

موټر د بند له امله له خپل ځای څخه حرکت نه شي کولی، چې د لفټر په مرسته د ګمرک دفتر ته لیږدول شوی.

د کسټم انفورسمنټ انټي سمګلنګ افسرانو د کراچۍ ښار په ډيفنس فيز 2 سيمه کې د يوې اطلاع په اساس چاپه اچولې او يو قيمتي ګاډی يې برآمد کړی، چې د کور مالک جميل شفيع په نوم ياد شوی دی.

کله چې له تورن څخه د موټر اسناد وغوښتل شول، هغه وويل چې دغه موټر ورته د نويد بلواني په نوم د يوه کس له خوا ورکړل شوى، په داسې حال کې چې د موټر ټول اسناد يې د نومبر مياشتې تر پايه چمتو کړي دي.
نوید بلواني ته د ګمرک چارواکو هم احضار کړی وو خو نوید بلواني د قناعت وړ ځواب نه دی ورکړی او د ګاډي نمبر پلیټ هم جعلي ثابت شوی او په اکسائز کې یې هیڅ ریکارډ نه دی موندل شوی.

د ګمرک چارواکو جمیل شفیع او نوید بلوانی نیولی دی، د نوید یامین او دوو نامعلومو کسانو خلاف هم پلټنې پیل کړی شوې دی، برآمد شوی ګاډی یې قبضه کې اخستی او د ګمرک ګودام ته سپارلی دی.

د ګمرک چارواکي وايي، له دفاع ماڼۍ څخه ترلاسه شوی موټر له لندن څخه غلا شوی او د یوه اروپايي هېواد له سفارت څخه په جعلي اسنادو پاکستان ته راوړل شوی وو.