اگست 28, 2022
د افغان دولت د ملي دفاع وزارت وايي وزیر مولوي یعقوب مجاهد نن په یوه خبري کنفرانس کې ووېل چې پاکستان دې د افغانستان پر وړاندې د خپل هوایي حریم د استعمال اجازه هیچاته نه ورکوي.
نوموړي د یو سوال په ځواب کې چې، د افغانستان فضاء ته امریکایي ډرون الوتکې له کوم دریم هیواد راداخلیږي ووېل: د دې په اړه لا پوره او بشپړ دقیق مالومات نشته، خو زموږ د مالوماتو پر اساس دا د پاکستان له لارې زموږ هیواد ته داخلیږي او دلته تجاوز کوي.
نوموړي پر پاکستان غږ وکړ او زیاته یې کړه چې پاکستان دې اجازه نه ورکوي چې فضايي حريم يې د افغانستان پر خلاف وکارول شي.
مولوي محمد يعقوب مجاهد زیاته کړه چې د افغانستان په فضا کې د امريکايي بې پيلوټه الوتکو ګرځيدل پر افغانستان تېری دی او په وينا يې چې دا خبره يې په ځلونو امريکايي چارواکو ته ور ياده کړې ده. همدا راز د ملي دفاع وزارت چارواکو د جمهوريت د سقوط پر مهال شمالي ګاونډيو ته د افغانستان د هوايي ځواک د تښتول شويو الوتکو د راستنولو په تړاو وويل چې په دې برخه کې يې هڅې روانې دي. د ملي دفاع وزارت سرپرست وويل چې له افغانستانه ايستل شوې الوتکې د افغانانو ملکيت دی او دوی يې د راستنولو له غوښتنې تېرېدونکي نه دي
اړوند موضوعات
از فضاء کشوری که در حمله اخیر کابل استفاده شده، شریک جرم محسوب می شود
دا پداسې حال کې ده چې تقریبا هره ورځ د کابل او نورو مهمو ولایتونو پر فضاء امریکایي ډرون الوتکې دوامدارې الوتنې کوي.
Leave a Reply