د ایران د ځینو سرچینو له قوله د اسلامي انقلاب وروسته، په لومړي ځل لوبغالي کې ښځو ته د نندارې اجازه ورکړل شوه، چې هغه وخت راروسته پرې کلک بندیز لګیدلی و، د دغه هیواد د مذهبي بندیزونو پر بنسټ ښځې نشي کولای، د نارینه وو سیالیو کې ګډون وکړي.
خو د پنجشنبې په ورځ په یوه سیمه ییز لیګ سیالیو کې تر ۵۰۰ سوه زیاتو ښځو نندارې کې ګډون کړی و، ټولې ښځې یو طرفته د سړیو جلا ناستې وې او لوبه یې ننداره کوله.
۲۰۱۹م کال کې یوه ښځه چې سارا نومیده د همدې له امله ځان ته اور ورته کړ، چې د سړیو د لوبې د ننداره کولو له امله محاکمه کیدله، چې د همدې پیښې له امله سخت لاریونونه وشول او بیا ایران حکومت نرمي وښودله.
یو شمیر ایراني رسنۍ وایي: چې د ښځو ګډون ته اجازه د نړیوالو فشارونو له امله ورکړل شوه، په دې اړه فیفا هم ایران ته یو لیک استولی و، چې د ښځو منع کول، د دوی د قانون خلاف عمل دی او باید لا ډیرو ښځو ته د ګډون اجازه ورکړي.
په ایران کې که څه هم مخکې ښځو نړېوالې لوبې کتلې؛ خو د سیمه ییزو لوبډلو لوبې یې نه شوای کتلی.
Leave a Reply