ننګرهار کې پۀ لاریون کوونکو ډزې شوي

ننګرهار کې پۀ لاریون کوونکو ډزې شوي 

وروسته تر هغۀ چې د ننګرهار یو شمېر اوسېدونکو د افغانستان د آزادۍ ورځې نمانځلو پۀ موخه ملي بیرغونه پورته کړل ډزې پرې وکړل شوې.

(18/8/2021 نېټه باغي ټي وي)

نن سهار د ننګرهار ښار اوسېدونکي د ملي بیرغ د بیرته پورته کېدو پر موخه لاریون ته راووتل، دوی غوښتل چې د افغانستان ملي بیرغ (تور، سور، شین) رنګه  بیرته پورته کړي چې د طالبانو لۀ سخت غبرګون سره مخ شول او د تیت و پرک کېدو پر موخه یې پرې ډزې وشوې، خلکو د بېلابېلو شعارونو پۀ ورکولو وویل چې دوی پۀ هېڅ راز د ملي بیرغ ټيټېدل نۀ مني او پۀ اصطلاح یې د مرګ تر ورځې بۀ لۀ خپلې داعيي نۀ تېرېږي.

یاده دې وي چې نن سهار د لغمان ولایت کې هم یو شمېر ځوانانو ملي بیرغونه پورته کړي ؤ چې د طالبانو لۀ خوا ورباندې ډزې وشوې او بیرغونه ورڅخه ټول کړل شول.