د افغانستان په پایه تخت کابل کښې په یو جومات کښې چاودنه شوې

یو شمیر کسانو ته ی مرګ ژوبله اړولې ده
باغی ټي وي رپورټ
د افغانستان پلازمېنه کابل کې په یوه جومات کې چاودنه شوې، چې له امله یې ګڼو کسانو ته مرګ ژوبله اوښتې ده.

د بهرني خبري اژانس د راپور له مخې چاودنه په جومات کې د لمانځه پر مهال شوې ده.

د کابل د امنیه قوماندانۍ ویاند خالد ځدراڼ وايي، په چاودنه کې د ګڼو کسانو د مرګ ژوبلې وېره شته، چاودنه په جومات کې دننه شوې، تر اوسه د چاودنې د مرګ ژوبلې کره شمېره نه ده معلومه، خو د چاودنې د شدت له امله مرګ ژوبله اوښتې ده. نږدې ودانۍ هم زیانمنې شوې دي.

دا خبره د یادونې ده چې د کابل په یو مدرسه کښې څو ورځې وړاندې هم په مدرسه کښې یو ځانمرګي برید شوې ، په دې برید کښې د افغانستان د اسلامي مدرسو مشر مولانا عبدالرحیم حقاني شهید کړې شوې وو او ددې برید پړه داعش ډلې په غاړه اخستې وه.
نور خبرونه