د امریکا د سنا مجلس مخکښ سناتور برني سندرز وايي چې امریکا په افغانستان ستر بشر ضد جنایت کړی دی

 د امریکا د سنا مجلس مخکښ سناتور برني سندرز وايي چې امریکا په افغانستان ستر بشر ضد جنایت کړی دی

برني سندرز ویلي چې افغانستان کې د ملکي وګړو وژنه ستر جنایت دی، نوموړي د امریکا وروستی هوايي برید په کلکه غندلی دی.

(2021 / 9 / 20  نېټه باغي ټلویزیون)

برني سندرز ویلي چې افغانستان کې د ملکي وګړو وژنه ستر جنایت دی، نوموړي د امریکا وروستی هوايي برید په کلکه غندلی دی نوموړې ویلي چې په افغانستان کې د ملکي وګړو وژل نه بښل کېدونکی بشري جنایت دی.

امریکایي مخکښ سناتور او ددغه هېواد ولسمشریزو ټاکنو ته پخواني نوماند برني سندرز په یوه تازه مرکه کې په کابل کې د امریکا وروستی هوایي برید په کلکو ټکو غندلی دی.

دده په خبره د امریکا دفاعي چارواکو منلې ده چې په دې برید کې یې ملکي وګړي وژلي او په دې توګه یې یو ستر بشر ضد جنایت ترسره کړی دی.

دده په وینا امریکا نه یوازې دا چې یوه انساني ضد او بوږنووونکې پېښه ترسره کړې ده، بلکې د امریکا باور او حیثیت یې له منځه وړی دی.

د سندرز په خبره دا د امریکا لپاره تر ټولو بده شېبه ده چې په یوه هوایي برید کې ملکي وګړي وژني او بیا یې مسوولیت اخلي.

هغه په دې تړاو د لا ډېرو څېړنو او پلټنو غوښتنه کړې ده او د برید د عاملینو محاکمه یې غوښتې ده.

دا په داسې حال کې ده چې د امریکا پخواني ولسمشر ډوالډ ټرمپ هم تازه ویلي چې یاد برید د امریکا د بې تجربې جنرالانو او بایډن د ادارې د ضعف له امله ترسره شوی دی.