په لوګر کې سیلابونو د دریو ښځو په ګډون لس تنه وژلي دي

په لوګر کې سیلابونو د دریو ښځو په ګډون لس تنه وژلي دي

تېره شپه په خوست او ميدان وردګو ولايتونو کې هم سېلاب اووه کسان وژلي دي. د يادونې وړ ده، چې تېره شپه او نن د هېواد په يو شمېر ولايتونو کې سېلابونه راغلي او ډېر ځاني او مالي زيانونه يې اړولي دي.

(2022 / 8 / 13 نېټه باغي ټلویزیون)

بشپړ راپور 

د لوګر سیمه ییز چارواکي وايي، په دغه ولایت کې سختو بارانونو او سېلابونو ډېر ځاني او مالي زیانونه اړولي دي.

باختر دولتي خبري اژانس په خپل ټويټر کې د لوګر د سيمه ييزو چارواکو له خولې ليکلي، چې لومړنۍ احصايې ښيي چې تېره شپه د دغه ولايت په مرکز او ځينو ولسواليو کې د سختو بارانونو او سېلابونو د راوتلو له امله د درېيو ښځو په ګډون لس تنه مړه شوي دي.

د باختر آژانس د معلوماتو له مخې، د سيلابونو په نتيجه کې د استوګنې په سلګونو کورونه، په زرګونو جريبه کرنيزه ځمکه او په لسګونو باغونه ويجاړ شوي دي.

تېره شپه په خوست او ميدان وردګو ولايتونو کې هم سېلاب اووه کسان وژلي دي. د يادونې وړ ده، چې تېره شپه او نن د هېواد په يو شمېر ولايتونو کې سېلابونه راغلي او ډېر ځاني او مالي زيانونه يې اړولي دي.