غني: د جمهوریت د سقوط پۀ وروستی کس زۀ وم چې ووتلم

غني: د جمهوریت د سقوط پۀ وروستی کس زۀ وم چې ووتلم

هغه ادعا وکړه، چې دوستم او عطا ته يې د دفاع لپاره وسلې او اسانتياوې برابرې کړې، خو بله ورځ يې افغانستان پرېښود او ازبکستان ته وتښتېدل.

(2022 / 8 / 11  نېټه باغي ټلویزیون)

بشپړ راپور 

د افغانستان مفرور ولسمشر اشرف غني په خپله وروستۍ مرکه کې ویلي چې هغه وروستی کس ؤ چې له افغانستان څخه ووت.

هغه عبدالله عبدالله ملي غدار، زلمی خلیلزاد په نهه رویه مریض، بسم الله محمدي، عطا محمد نور او دوستم تر وخت مخکې تښتېدلي وبلل.

نوموړي دا مرکه د چهارشنبې په ورځ د اسد په ۱۹مه په EBN کې خپره شوه او ښاغلي غني ادعا وکړه چې د افغانستان د دفاع پخوانی وزیر بسم الله محمدي تر ده مخکې له هېواده وتلی او زیاته کړې یې ده چې د ولایتونو د سقوط مسوول دی.

هغه دا هم وویل، چې زلمی خلیلزاد دوه مخی شخصیت نه دی، بلکې یو نهه مخی شخصیت دی.

عبدالله عبدالله تر دې مخکې ویلي وو چې اشرف غني ملي خاین دی او په دې مرکه کې ښاغلي غني د نولسمې او شمالي جبهې جګړو او په کابل کې بریدونو ته په اشارې سره پوښتنه کړې چې څومره وژنې وشوې. د افشار پېښه چا رامنځته کړې؟ او چا موازي حکومت اعلان کړ؟ له دې پوښتنو سره غني دې نتیجې ته ورسېد چې د ملي خیانت معیار روښانه دی.

هغه ادعا وکړه، چې دوستم او عطا ته يې د دفاع لپاره وسلې او اسانتياوې برابرې کړې، خو بله ورځ يې افغانستان پرېښود او ازبکستان ته وتښتېدل.