د پي ټي آئي مشر شهباز ګل په اسلام آباد کښې ګرفتار کړے شوے او د غدارۍ مقدمه درج شوې ده

د پي ټي آئي مشر شهباز ګل په اسلام آباد کښې ګرفتار کړے شوے او د غدارۍ مقدمه درج شوې ده

ياده دې وي چې شهباز ګل تيره ورځ په يو شخصي ټي وي سره د پاکستان پوځ د بغاوت په اړه کرکه او نفرت ډکې خبرې کړې وې.

د دې تر څنګ شهباز ګل د خبريالانو سره بد چلند او سپکاوی هم کړی دی، شهباز ګل د سياستوالو پر ضد د فحشا او شخصي بريدونو پر مهال بيروکراټانو ته هم ګواښونه کړي دي.

(2022 / 8 / 9   نېټه باغي ټلویزیون)

بشپړ راپور 
د پاکستان تحریک انصاف ګوند مشر شهباز ګل په اسلام اباد کې نیول شوی دی.

پخواني وفاقي وزير او د پي ټي آئي مشر مراد سعيد د شهباز ګل د نيولو پخلی کړی دی.

مراد سعید وویل چې د شهباز ګل د موټر د کړکیو ښیښې هم ماتې شوې او ډریور یې هم ځورولی دی. فواد چوهدري په دې اړه ویلي چې شهباز ګل د بني ګاله چوک نه هغو کسانو تښتولی وو چې بې نمبر پلېټونو ګاډو کې راغلي وو.

د اسلام اباد پولیس وايي د شهباز ګل خلاف د ادارو خلاف بیان ورکولو او خلکو ته د ادارو په ضد د هڅولو په تور د غدارۍ مقدمه درج شوې ده.

د پوليس وينا ده چې د شهباز ګل په ضد مقدمه کښې د ادارو او د هغوي د مشرانو خلاف د اشتعال پشمول نورې دفعات هم شامل کړے شوي دي.

ياده دې وي چې شهباز ګل تيره ورځ په يو شخصي ټي وي سره د پاکستان پوځ د بغاوت په اړه کرکه او نفرت ډکې خبرې کړې وې.

د دې تر څنګ شهباز ګل د خبريالانو سره بد چلند او سپکاوی هم کړی دی، شهباز ګل د سياستوالو پر ضد د فحشا او شخصي بريدونو پر مهال بيروکراټانو ته هم ګواښونه کړي دي.