شمالي وزیرستان کښې ځانمرګي برید شوي دې، درې امنیتي ځواک اهلکار ژوند له لاسه ورکړې دې

باغی ټي وي رپورټ
د شمالي وزیرستان په میرعلي کې د امنیتي ځواکونو پر کاروان ځانمرګی برید شوی، چې له امله یې درې امنیتي سرتیري وژل شوي او درې نور ټپیان شوي دي.
د وزیرستان یو خبریال صفدر داوړ په ټولنیز رسنیو دا راپور خپور کړې چې د شمالي وزیرستان په میرعلي تحصیل کښې د امنیتي ځواک په ګاړي برید شوي دې، هغه لیکلي چې دا ځانمرګي برید وو او په دې برید کښې ۴ امنیتي ځواک اهلکار وژل شوي دي .
د یو بل قبایلی خبریال رسول داوړ د راپور مطابق دشمالي وزيرستان ميرعلي پتسي اډې سره نزدې په تل ميرعلي روډ دپوځ په کاروان ځانمرگي بريد شوى چې پکې دسرچينو ترمخه درې عسکر وژل شوي اؤ اوه نور ژوبل شوي دي، ډي پي او ددغه بريد پخلى کړى دى. دسرکاري سرچینو ترمخه دشمالي وزيرستان په ميرعلي سيمه کې ديو ځانمرگي بريد په نتيجه کې دامنيتي ځواکونو 3 کسان وژل شوي اؤ د4 ملکي کسانو په ګډون 7 کسان ژوبل شوي دي. د ډي پي او فرحان خان په وینا برید ځانمرګی وو. په ځانمرګي بريد کې ژوبل شوي اهلکار ميرعلي روغتون ته رسول شوي دي. د پېښې وروستو فورسز د لټون عمليات پېل کړي.