امریکایی رسنیو ادعا کړې چې د القاعده مشر ایمن الظواهری ی د قرغزستان څخه د امریکایی بې پیلوټه الوتکې په برید کښې په نښه شوې

باغی ټي وي رپورټ
امریکايي رسنیو ادعا کړې، چې د امریکا بې پیلوټه الوتکه چې د القاعدې مشر ایمن الظواهري یې په کابل کې وواژه، د منځنۍ اسیا د هېواد قرغزستان له هوايي اډې څخه وتوغول شوه.

رسنیو ادعا کړې چې برید د قرغزستان په شمال کې د ماناس په سیمه کې د امریکا د ترانزیتي مرکز ګانسي هوايي اډې څخه شوی دی.
د متحده ایالاتو د دفاع وزارت په وینا، ګانسي په قرغزستان کې د بشکیک نړیوال هوايي ډګر ته څېرمه د متحده ایالاتو پخوانۍ پوځي اډه ده چې د متحده ایالاتو د هوايي ځواک لخوا پرمخ وړل کیده او د 2014 په جون کې د قرغزستان پوځ ته وسپارل شوه.
خو د امریکا حکومت لا هم له دې نه ډډه کوي چې دا ډرون له کوم ځای څخه ولویده او له کومې لارې ولویده.
په اسلام اباد کښې هم د رسنیو سره خبرو کې رانا ثناء الله وويل هغه ته معلومه ده چې ايمن الظواهري څنګه وژل شوى او چرته دى، دا هغه مسله ده چې بايد د افغانستان او امريکا تر منځ خبرې وشي.

د متحده ایالاتو رسنیو راپورونو دا هم اشاره کړې چې متحده ایالاتو د ډرون لخوا پیل شوي هیلیفیر (هوا څخه ځمکې) توغندي کارولي چې د 2001 کال د سپټمبر د 11 له بریدونو وروسته د لسیزو راهیسې په بهر کې د متحده ایالاتو د تروریزم ضد عملیاتو برخه وه.

تېره ورځ د پاکستان د کورنیو چارو وزیر رانا ثناءالله ویلي وو، هغه ډرون الوتکه چې په کابل ی برید کړې وه، له پاکستانه نه ده الوتلې.

په اسلام اباد کښې له رسنیو سره خبرو کې رانا ثناء الله وويل چې تاسو ته معلومه ده چې ايمن الظواهري څنګه وژل شوى او هغه چرته وو؟ هغه اوویل چې دا هغه مسله ده چې بايد د افغانستان او امريکا تر منځ خبرې وشي.