باغي ټي وي رپورټ
د وزيراعظم شهباز شريف په مشرۍ کښې د واکمن اتحاد د مشرانو د ملاقات دننه کيسه مخې ته راغلې ده۔
دسرچينو ترمخه په دغه غونډه کې دمسلم ليګ(ن) مشر اؤ پخواني وزيراعظم نوازشريف اتحادي ګوندونو ته لارښوونه وکړه چې په راتلونکو ٤٨ ساعتونو کې دپي ټي ائي په ضد ريفرنس سپريم کورټ ته واستوي.
سرچينې وايي چې نوازشريف هدايات کړى چې سپريم کورټ ته دې د دغه ريفرنس د اورېدنې لپاره د فل کورټ له خوا غوښتنه وشي.
نوازشريف اوويل چې د ملک ضد عناصرو په ايجنډا کښې بې ثباتۍ رامينځته کوونکو سره دې هيڅ رعايت نۀ شي کولے، عمران خان هم د سي پېک او کشمير معاملې په واپسۍ کښې نېغ په نېغه لاس لري.
په دې موقع د قامي وطن پارټۍ مشر افتاب شېرپاو وويل ائتلافي حکومت ته اوس کارکردګي ښودلې شي، حکومت لع په هر صورت کې د ګرانۍ قابو کول پکار دي.
په غونډه کې پرېکړه وشوه، چې اتحادي ګوندونه به په ټول هېواد کې د تحريک انصاف پر ضد لاريونونه کوي، ايم کيو ايم به په کراچۍ کې او پيپلز ګوند به په حيدراباد او سکر کې لاريونونه کوي.
جي يو آئي به په پېښور، پښتونخوا ميپ او بي اين پي مينګل په کوئټه کې، مسلم ليګ ن به په لاهور، راولپنډۍ او اسلام اباد کې جلسې کوي.
Leave a Reply