وزیرداخله سرغړونه کوونکو سره د سخت قانوني چلند بیان خپور کړې دې

باغی ټي وي رپورټ
د کورنیو چارو وفاقي وزیر رانا ثناالله وايي، د اسلام اباد په ریډ زون کې به چا ته د احتجاج اجازه نه ورکول کېږي، که چا قانون په خپل لاس کې واخیست، نو ورسره به سخت چلند وشي.

اسلام اباد کې دخبرو اترو په مهال رانا ثناء الله وئيلي دي چې داسلام اباد په ريډ زون کې به چاته داحتجاج کولو اجازه نۀ ورکول کيږي، پي ټي ائي به سبا په اليکشن کميشن بريد وکړي اؤ په احتجاجونو يې بنديز لګولى دى.
ده ووئيل که څوک ريډ زون ته د ننوتو کوشش کوي نو بیا دې ګله او شکایت مه کوي، وفاقی وزیر اوویل چې زه تاسو ته خبردارۍ درکوم چې ريډ زون ته د ننوتو کوشش مه کوې،هغه اوویل چې د اليکشن کميشن مخې ته د احتجاج کولو اجازت نشتته.
وفاقي وزیر اوویل چې پی ټي ایی د غونډې په نامه ګډوډي کول غواړي، وفاقی وزیر زیاته کړه چې تاسو د اوښکي بهونکي ګاز کارول هم ظلم او وحشت ګڼې.