امریکا؛ واشنګټن کې د ډزو لۀ امله ۶ کسانو ته مرګ ژوبله اووښتې ده

امریکا؛ واشنګټن کې د ډزو لۀ امله ۶ کسانو ته مرګ ژوبله اووښتې ده

په امريکا کې روان کال د وسله وال تاوتريخوالي پېښې خورا ډيرې شوې او د خپرو شويو ارقامو پر بنسټ، له تېرو اوو مياشتو راهيسې پکې د ټوليز وسله وال تاوتريخوالي ۳۸۵ پېښې ثبت شوې دي.

(2022 / 8 / 3  نېټه باغي ټلویزیون)

بشپړ راپور 

د امريکا په واشنګټن ډي سي کې د ډزو له کبله شپږ تنه ژوبل شوي چې د ځينو روغتيايي وضعيت نازک ښودل شوی دی.

رسنيو په راپورونو کې ويلي چې پېښه په ځايي وخت د دوشنبې په ماښام د ډي سي په شمال ختيځ کې شوې ده. د واشنګټن د ښاروالۍ شورا يوه غړي چالز آلن ويلي چې پېښه په عام سړک شوې چې له کبله يې شپږ تنه ژوبل شوي دي.

هغه دې پېښې ته د بوږنوونکي وسله وال تاوتريخوالي نوم اخيستی او ويلي يې دي چې له کبله يې ښايي د څو کورنيو غړي له روغتونونو بېرته کورونو ته ستانه نه شي.

په امريکا کې روان کال د وسله وال تاوتريخوالي پېښې خورا ډيرې شوې او د خپرو شويو ارقامو پر بنسټ، له تېرو اوو مياشتو راهيسې پکې د ټوليز وسله وال تاوتريخوالي ۳۸۵ پېښې ثبت شوې دي.

د ټوليز وسله وال تاوتريخوالي پېښې هغو بريدونو ته ويل کيږي چې زيانمن يې له دريو ډير وي.