فارن فنډنګ کیس ، د وزیراعظم شهباز شریف غبرګون هم مخې ته راغلې

باغي ټي وي رپورټ
د پاکستان وزيراعظم شهباز شريف هم د پاکستان تحريک انصاف په ضد د ممنوعه فنډنګ مقدمې په اړه د اليکشن کميشن تر پريکړې وروسته د پي ټي آئي په مشر عمران خان نيوکې کړي دي.

په ټوېټر خپل يو بيان کې وزيراعظم شهباز شريف ليکلي چې د پي ټي آئي د بهرنۍ فنډنګ کيس کې د اليکشن کميشن په فيصله کې د عمران نيازي خلاف د آئين خلاف ورزي، جعلي حلف نامې جمع کولو او بهرنۍ پيسې نه منلو تورونه دي.
شهباز شریف په خپل ټوېټ کې زیاته کړې، چې یو ځل بیا عمران نیازی دروغجن ثابت شوی، ولس دې له بهرنیانو د پیسو اخیستو د سیاسي پایلو په اړه فکر وکړي.
ياده دې وي چې اليکشن کميشن د پاکستان تحريک انصاف د بهرنۍ فنډنګ د منعې مقدمې فيصله اورولو په مهال وئيلي دي چې د پي ټي آئي ممنوعه فنډنګ ثابت شوی دی.

د اليکشن کميشن فيصله کښې وئيلي شوي دي چي پي ټي آئي ته د 34 خارجيانو او 351 کمپنيو لخوا فنډنګ ورکړے شوي کوم چي غير قانوني دي۔