باغی ټي وي رپورټ
د پاکستان تحريک انصاف (پي ټي آئي) چيرمين عمران خان د نااهلي لپاره اليکشن کميشن کښې د ممنوع فنډ او جعلي حلف نامې جمع کولو په اړه درخواست جمع کړے شوے دے۔
درخواست د امن پرمختګ پارټۍ چيئرمېن محمد فائق شاه جمع کړے دے۔
درخواست کښې وئيلي شوي دي چې عمران خان دې د جعلي حلف نامې جمع کولو په وجه د 621 ون ايف لاندې نااهله کړے شي، عمران خان د ايم اين اے او وزيراعظم په حيث کوم مراعات او سهولتونه ترلاسه کړي دي واپس دې واخستل شي۔
درخواست کې وئيل شوي چې فيصل واوډا هم په مقدمه کې دجعلي بيان جمع کولو په وجه نااهله ګرځول شوى ؤ، دنااهلي ترڅنګ فيصل واوډا ته امر شوى ؤ چې ټول امتيازات قومي خزانې کې جمع کړي.
په درخواست کې د عمران خان د پارټۍ چيئرمېن نه د لرې کولو غوښتنه هم شوې ده.
ياده دې وي چې اليکشن کميشن اته کاله وروسته د پاکستان تحريک انصاف د بهرنۍ منع فنډنګ د مقدمې فيصله کړې ده.
Leave a Reply