د مولانا فضل الرحمن ګواښوونکي بیانونه به نوره هم ګډوډي رامنځ ته کړي: شیخ رشید

باغی ټي وي رپورټ
د عوامي مسلم ليګ مشر او د کورنيو چارو پخواني وزير شيخ رشيد د پاکستان ډيموکرېټک پارټۍ (پي ډي اېم) مشرانو ته چیلنج ورکړې دې.
په ټويټر يو بيان کې شيخ رشيد د پي ډي ايم صدر مولانا فضل الرحمان په اړه ليکلي چې د فضل الرحمان ګواښونکي بيانونه به نوره هم ګډوډۍ رامنځته کړي.
د کورنیو چارو پخواني وزیر د مالیې پر وزیر مفتاح اسماعیل نیوکه کړې او لیکلي یې دي چې غواړي چاکلیټ پلورونکو ته ووایي چې د اوړو او غوړیو قحطي روانه ده.
هغه وويل د پټرولو په بيو کې درې روپۍ کموالى او د ډيزلو په بيه کې نهه روپۍ زياتوالى د ولس سره ټوکه ده، د حکمرانانو شخصي کارخانې ښې روانې دي، د غريبانو کورونه خراب شوي دي.

شيخ رشيد وويل چې په خامو موادو د بنديز له امله صادرات ٢٥ فيصده کم شوي، کله چې انفلاسيون ٣٨ فيصده زيات شي نو بهرنۍ ذخيرې به کمې شي، نه يواځې انفلاسيون بلکې د اقتصاد څرخ به هم جام شي.

پخواني وزير د ايتلافي ګوندونو غړو ته چيلنج ورکړو چې که جرات لري، د وزيرانو شورا غونډې ته دې لاړ شي او خپله پاکي دې خلقو ته وړاندې کړي.

مولانافضل الرحمان کے دھمکی آمیز بیان مزید انتشار پیدا کریں گے۔چاکلیٹ بیچنے والوں کو بتانا چاہتا ہوں کہ آٹے اور گھی کا قحط پڑنے والا ہے۔3روپے پیٹرول میں کمی اور9روپے ڈیزل میں اضافہ قوم سے مذاق کے مترادف ہے۔حکمرانوں کے ذاتی کارخانے ٹھیک چل رہے ہیں۔غریب کے گھر کا خانہ خراب ہو گیا ہے

— Sheikh Rashid Ahmed (@ShkhRasheed) August 1, 2022