د اوکراین له اودیسا بندر څخه د غلو لومړۍ کښتۍ حرکت وکړ
د ترکیې دفاع وزارت له خوا په خپره شوې خبرپاڼه کې راغلي، چې د ملي دفاع وزیر خلوصي اکار د اوکراین او روسیې له وزیرانو او اړوندو خواوو سره د کتنو او په استانبول کې د ګډې همغږۍ د مرکز د جدي کار په پایله کې دغه هوکړه وشوه.
(2022 / 8 / 1 نېټه باغي ټلویزیون)
بشپړ راپور
اوکرایني او ترکي چارواکي وايي، چې د اوکراین په غلو بار لومړنۍ کښتۍ نن له اودیسا بندر څخه حرکت پیل کړی دی. تمه ده چې دا کښتۍ به سبا سې شنبه استانبول ته ورسېږي او له تفتیش وروسته به د لبنان په لوري حرکت ته دوام ورکړي.
د ترکیې دفاع وزارت له خوا په خپره شوې خبرپاڼه کې راغلي، چې د ملي دفاع وزیر خلوصي اکار د اوکراین او روسیې له وزیرانو او اړوندو خواوو سره د کتنو او په استانبول کې د ګډې همغږۍ د مرکز د جدي کار په پایله کې دغه هوکړه وشوه.
په اعلاميه کې ويل شوي دي چې د رزوني په نامه دا باروړنکې مصري بېړۍ د لبنان پر لورې حرکت کړی دی.
Leave a Reply