مریم نواز د وزیرخزانه څخه مهمه غوښتنه کړې ده

باغی ټي وي رپورټ
د پاکستان مسلم ليګ (ن) مرکزي نائب صدر مريم نواز د خزانې له وزير مفتاح اسماعيل څخه غوښتنه کړې چې د سوداګرو نه د بجلۍ په بلونو کښې لګولې شوې ټېکس دې واپس واخلي.

مريم نواز په خپل ټويټ کې ويلي “مفتاح بهايي د بجلۍ په بل باندې ټيکس واپس واخله، سوداګر بهايي اندېښمن او شکايت کوي”.

هغه هیله څرګنده کړه چې تاسو به د حل لاره را اوباسۍ.
د يادونې وړ ده، چې په ټول هېواد کې سوداګرو د برېښنا په بيلونو کې د ثابتې ماليې د نه لګولو پر ضد لاريونونه کړي او په ټول هېواد کې يې لاريونونه روان دي.

په ټول هیواد کې سوداګرو د بریښنا بیلونه نه جمع کولو اعلان کړی دی.
دا خبره هم د یادونې ده چې د شهباز شریف په اتحادي حکومت د عام اولس او اپوزیشن مشرانو څخه نیوکې کیږي چې دا حکومت اولس ته اسانتیاوې ورکولو کښې پاتې راغلې دې.

مفتاح بھائی @MiftahIsmail بجلی کے بِل پر ٹیکس واپس لیں، تاجر بھائی پریشان ہیں اور شکوہ کر رہے ہیں۔ امید ہے آپ کوئی حل نکالیں گے۔

— Maryam Nawaz Sharif (@MaryamNSharif) July 31, 2022

……………………..