د منځني ختیځ یو هیواد عمران خان وکارول چې سي پیک پروژې ته زیان ورسوي: د مولانا فضل الرحمان تور

باغی ټي وي رپورټ
د پاکستان د ډیموکراتیک غورځنګ (PDM) مشر مولانا فضل الرحمان تور لګولی چې د منځني ختیځ یو هیواد د چین – پاکستان اقتصادي دهلیز (CPEC) د ویجاړولو لپاره عمران خان سپانسر کړو او دې پروژې ی ته زیان ورساوه.

پيښور کې دخبرو په مهال مولانا فضل الرحمان وويل عمران خان دګوادر بندر بيړۍ غرقه کړې، دملک معيشت يې تباه کړى.
مولانا فضل الرحمان اوویل چې سي پيک دامريکا او اي ايم ايف داغيز څخه د وتلو لپاره لمړى ګام دى خو دې لوې پروژې ته زیان رسول شوې دې.
مولانا فضل الرحمان وايي، که له عمران خان څخه حکومت نه واى اخيستل شوى، نن به پاکستان په ټوټو وېشل شوى واى، د حکومت د مودې د پوره کولو په پرېکړه کې نواز شريف هم شامل دى.
د پي ټي ایم مشر وویل چې د سه شنبې او چهارشنبې په ورځ به د واکمن ائتلاف یوه غونډه کیږي چې پکې به د اقتصادي استحکام په اړه فیصلې کیږي، اسټیبلشمنټ، بیوروکریټس او نورې ادارې بایدد ملک د پرمختګ لپاره فکر وکړي، مولانا فضل لرحمان زیاته کړه چې پاکستا تحریک انصاف ته رای ورکول د ملک ویجاړول او بربادول دي.