روسیې او اوکراین پر یو بل د بندیانو د وژلو تورونه لګولي دي 

روسیې او اوکراین پر یو بل د بندیانو د وژلو تورونه لګولي دي 

خو د اوکرایین پوځ نه یوازې دا چې له خپلې خوا توغندي برید رد کړی، ترڅنګ یې روسیه تورنه کړې چې خپله یې پر زندان ډزې کړې دي. د راپورونو له مخې برید مخامخ د زندانیانو پر بلاک شوی دی او ښايي د وژل شویو شمېر نور هم زیات شي.

(2022 / 7 / 30   نېټه باغي ټلویزیون)

بشپړ راپور 

د روسیې د دفاع وزارت اعلان کړی، چې دونیڅک کې د بېلتون غوښتونکو تر ولکې لاندې پر یوه زندان کې د اوکرایین توغندیز برید ۴۰ اوکرایني زندانیان وژلي دي.

همدارنګه روسيي چارواکو ادعا کړې چې د اولینیفکا پر زندان د توغندي د لګېدو له کبله ۷۵ نور زندانیان ټپیان شوي دي.

خو د اوکرایین پوځ نه یوازې دا چې له خپلې خوا توغندي برید رد کړی، ترڅنګ یې روسیه تورنه کړې چې خپله یې پر زندان ډزې کړې دي.

د راپورونو له مخې برید مخامخ د زندانیانو پر بلاک شوی دی او ښايي د وژل شویو شمېر نور هم زیات شي.