سوېډن کمېټه په افغانستان کې پراختيايي پروژې پيلوي
د دې کمېټې د پروګرامونو مرستیال سید محسن هاشمي وویل، دغه پروژې په نورستان، ننګرهار، کونړ، جوزجان، سمنګان، بلخ، میدان وردګ، کندوز او پکتیکا ولایتونو کې عملي کېږي.
(2022 / 7 / 29 نېټه باغي ټلویزیون)
بشپړ راپور
د افغانستان لپاره د سویډن کمېټه وايي، د افغانستان په څو ولایتونو کې يو شمېر پراختیايي پروژې عملي کوي.
دغه کمېټه وايي، دغه پروژې د روغتیا، کرنې، کلیو پراختیا او پوهنې په برخو کې دي، چې د ملګرو ملتونو د پراختیایي ادارې په مرسته پلې کېدونکي دي.
د افغانستان لپاره د سویډن کمېټه وايي د افغانستان په نهو ولایتونو کې به د دوی پروژې پر څلورو برخو متمرکزې وي، چې روغتیا، کرنه، کلیو پراختیا او پوهنه ده.
د دې کمېټې د پروګرامونو مرستیال سید محسن هاشمي وویل، دغه پروژې په نورستان، ننګرهار، کونړ، جوزجان، سمنګان، بلخ، میدان وردګ، کندوز او پکتیکا ولایتونو کې عملي کېږي.
هاشمي زیاته کړه، د کرنې په برخه کې به په ۸ ولایتونو کې پر ۱۲۰۰ بېوزلو کروندګرو زراعتي توکي او وسایل ووېشل شي.
Leave a Reply