سیګار ویلي چې، د پخواني پوځ د سرتېرو په معاشونو کې پراخ فساد شوی دی

سیګار ویلي چې، د پخواني پوځ د سرتېرو په معاشونو کې پراخ فساد شوی دی

دغه اداره شک لري چې یاد میلیونونه ډالر به د خیالي سرتېرو پر معاشونو لګېدلي وي چې په اصل کې د مفسدو چارواکو او قومندانانو جیبونو ته تلل. دغه څارونکې ادارې په دې تړاو له امریکایي اداراتو د حساب ورکولو او وضاحت غوښتنه هم کړې ده.

(2022 / 7 / 28 نېټه باغی ټلویزیون)

بشپړ راپور

د پخواني پوځ د سرتېرو په معاشونو کې پراخ فساد شوی دی. د افغانستان پر بیا رغونه د امریکا ځانګړې څارونکې ادارې یا سیګار ویلي دوی داسې معلومات ترلاسه کړي چې د افغانستان د پخواني پوځ د معاشونو په ورکړه کې میلیونونه ډالر فساد ښيي.

سرچینه کاږي، د امریکا ددفاع وزارت داسې منظم مالي سیستم نه درلود، څو ددې پیسو د لګښت درک معلوم کړي او یا هم د افغانستان ددفاع وزارت په دې اړه دقیق معلومات له دوی سره نه دي شریک کړي.

سیګار وایي ۲۳۲ میلیونه ډالر د افغان پوځ د معاشونو په نامه لګول شوي خو په دې تړاو اسناد نشته دي.