وزیرداخله سخت ګواښ کړې دې

باغی ټي وي رپورټ
دکورنيو چارو وفاقي وزير رانا ثناء الله وئيلي دي چې که پنجاب ته زما داخليدل بند کړل شي نو دا به د گورنر راج پيل وي.

په اسلام اباد کې دخبرو په مهال رانا ثناء الله وويل چې د سترې محکمې د پرېکړې له امله سياسي حالات نور هم خراب شوي دي او دا ډول خبرې د پاکستان له خوا بيا زور اخلي.
ده ووئيل چې د جسټس قاضي فائز عيسيٰ په لیک کښې لیکل شوې خبرو ته په کتلو سره دا د اندېښنې وړ خبره ده، كه په معتبرو ادارو كښې دا ډول فضا رامنځته شوه نو مونږ د تباهۍ په لور روان يو۔
ديوې پوښتنې په ځواب کې دکورنيو چارو وزير وويل پنجاب کې زما دداخلې دبنديدو په اړه افواهونه دي خو که زما په پنجاب کې داخليدل بند کړل شي نو دګورنر راج دعملي کولو لپاره کافي جوازونه موجود دي.

د يوې بلې پوښتنې په ځواب کې د کورنيو چارو وزير رانا ثناالله وويل چې د عدم اعتماد د تحريک تر بريالي کېدو وروسته مسلم ليګ (ن) په ټاکنو کې د تلو پرېکړه کړې وه، خو له خپلو متحدينو سره تر مشورې وروسته يې د حکومت کولو ستونزمنه پرېکړه کړې ده.

رانا ثناءالله وئيلي دي چې نواز شريف به وطن ته واپس راځي او د مسلم ليګ نون انتخابي کمپاين به کوي۔