برادر: افغانستان نور پۀ خیراتونو نۀ، بلکې پخپلو امکاناتو آبادوو

برادر: افغانستان نور پۀ خیراتونو نۀ، بلکې پخپلو امکاناتو آبادوو

غونډې ته د ا.ا د رییس الوزراء مرستیال مولوي عبدالسلام حنفي وویل، هېواد کې شل کاله د بشري حقونو، د ښځو حقونو او دیموکراسۍ په نوم جنګ وشو خو غوښتونکو یې د ځنګل قانون جاري کړی وو.

(2022 / 7 / 27   نېټه باغي ټلویزیون)

بشپړ راپور 

د ریاست الوزراء اقتصادي مرستیال ملا عبدالغني برادر د هلمند د کجکي بند د دویم فاز پرانیستې مراسمو کې د خپلې وینا پرمهال وویل، افغانستان په بهرنیو مرستو نه دی جوړ شوی او اوس يې په خپلو تولیداتو جوړوي.

نوموړی وايي، نړیوالې ټولنې افغانستان جوړ نه کړ، بلکې وران يې کړ، چې اوس يې په رغولو بوخت دي.

غونډې ته د ا.ا د رییس الوزراء مرستیال مولوي عبدالسلام حنفي وویل، هېواد کې شل کاله د بشري حقونو، د ښځو حقونو او دیموکراسۍ په نوم جنګ وشو خو غوښتونکو یې د ځنګل قانون جاري کړی وو.

نوموړي وویل په هېواد کې د اسلامي نظام په حاکمېدو سره سرتاسري امنیت راغلی، اداري فساد له منځه تللی او غصب ختم شوی دی.