ټرمپ: بايډن ايران ته د اټومي پروګرام د ودې اجازه ورکړه

د امريکا متحده ايالتونو مخکيني ولسمشر ډونالډ ټرمپ په خپلو تازه څرګندونو کې د بايډن په اداره په دې تورنه کړې چې د ايران حکومت ته يې اجازه ورکړې چې خپل اټومي پروګرام ته وده ورکړي.

ټرمپ په واشنګټن کې د يوې عمومي وينا پرمهال وويل چې د نوموړي د حکومت پرمهال د داسې څه امکانات نه ؤ.

ډونالډ ټرمپ وروسته له خپلې ولسمشرۍ څخه دا لومړی ځل دی چې په پلازمېنې واشنګټن کې وينا کوي.

نوموړي د امريکا په نورو ايالتونو کې هم د وينا پرمهال د بايډن پر ادارې توندې نيوکې کړي دي. هغه د بايډن اداره د نا امنۍ او جرايمو په ډېرېدو تورنه کړې او ويلي يې چې د امريکا اوسنی اقتصاد هم د بايډن ادارې خراب کړی دی.

بایډن ویلي چې که مجبور شي ایران سره د اټومي تړون لپاره لۀ زور نه کار واخلي 

ټرمپ ويلي چې امريکا اوس د جنايتکارانو په مرکز اوښتې ده او په تېر کې هېڅکله هم داسې نه ؤ شوي.

د رويټرز خبري آژانس د نوموړي له قولي ليکلي، چې د هېواد بقا په خطر کې ده او امريکا د جنايتکارانو له جدي ګواښ سره مخ ده.