يوه جاپانی چې ۱۴ کاله وړاندې يې د چاکو په وسيله ۷ کسان وژلي ؤ، په دار وځړول شو.
توموهيرو کاتو په ۲۰۰۸ کال کې په توکيو کې ۷ کسان په خپل چاکو سره ووژل.
دغه ۳۹ کلن قاتل، تېره ورځ (سه شنبه، د زمري ۴مه) د جاپان حکومت لخوا په دار وځړول شو.
کاتو په ۲۰۰۸ کال کې د جاپان پلازمېنه کې له خپل موټره پلي شو او د چاکو په وسيله يې ۷ سړيان د مرګ تر بريده ټپيان کړل.
نوموړی وروسته له هغې چې په لارويانو يې بريد وکړ، يوه پوليس سره له نښتې وروسته ونيول شو.
کاتو له پېښې وروسته پوليسو ته ويلي ؤ چې زه د خلکو د وژلو لپاره سړک ته راووتلم او دا زما لپاره اصلاً مهم نه ؤ چې څوک ووژنم.
ويل کېږي چې نوموړي له رواني ناروغۍ څخه رنځ وړه او له خپل ژونده ستړی شوی ؤ.
دغه بريد جاپانيان د دې لپاره حيران کړل چې داسې پېښې په هغه هېواد کې ډېرې کمې رامنځته کېږي.
Leave a Reply