روسیې تر اوسه د اوکراین ۹۰۰ روغتیايي مرکزونه بمبار کړي دي
سرچينه زياتوي چې د روسيې د بريدونو له کبله د اوکراين ۱۲۳ روغتيايي مرکزونه په بشپړ ډول ويجاړ شوي او ۷۴۶ نور بيا زيانمن شوي چې بيارغونې ته اړتیا لري. روسيې د روان کال په فبرورۍ مياشت کې پر اوکراين بريد وکړ چې نن يې شپږمه مياشت پيل شوه.
(2022 / 7 / 25 نېټه باغي ټلویزیون)
بشپړ راپور
د اوکراین د روغتیا وزارت د يوه راپور په خپرولو سره ويلي چې پر دغه هېواد د روسيې د بريد له پيله بيا تر دې مهاله نږدې ۹۰۰ روغتيايي مرکزونه يا بشپړ ويجاړ شوي او يا هم سخت زيانمن شوي دي.
په راپور کې دغه راز ويل شوي چې د جګړې پر مهال د اوکراين ۱۸ روغتيايي کارکوونکي هم په مخامخ ډول وژل شوي او له پنځوسو ډير ټپيان شوي دي.
سرچينه زياتوي چې د روسيې د بريدونو له کبله د اوکراين ۱۲۳ روغتيايي مرکزونه په بشپړ ډول ويجاړ شوي او ۷۴۶ نور بيا زيانمن شوي چې بيارغونې ته اړتیا لري. روسيې د روان کال په فبرورۍ مياشت کې پر اوکراين بريد وکړ چې نن يې شپږمه مياشت پيل شوه.
په تېرو پنځو مياشتو کې په اوکراين کې خونړۍ جګړې شوې دي چې روسيې ته پکې د جنګي جنايتونو ګڼې پېښې منسوبې شوې دي.
Leave a Reply