چوهدري شجاعت سبا د لیک په اړه سپریم کورټ کښې حاضریږي

باغی ټي وي رپورټ
د پاکستان د مسلم ليګ (ق) مشر چوهدري شجاعت حسين سترې محکمې ته د حاضرېدو لپاره اسلام اباد ته ولاړ.

دسرچينو له مخې چوهدري شجاعت حسين هم دخپل زوى سالک حسين سره روان شوى دى.

سرچينې وائي چې چوهدري شجاعت حسين به سبا په سپريم کورټ کې ددغه خط په اړه حاضريږي.
ياده دې وي چې سپريم کورټ به سبا د پنجاب اسمبلۍ کښې د وزيراعلې په انتخاب کښې د ډپټي سپيکر د حکم خلاف کيس سماعت کوي۔

ياده دې وي چې د پنجاب صوبې د وزيراعلي په ټاکنو کې ډپټي سپيکر دوست مزاري د چوهدري شجاعت د خط په اساس د قامي اسمبلۍ لس ووټونه رد کړي وو، چې له امله يې پروېز الهي ماتې وخوړه او حمزه شهباز بيا انتخاب شو.

په دې اړه سپريم کورټ حمزه شهباز د عبوري وزيراعلي په توګه بحال کړې دې۔