باغی ټي وي رپورټ
د پنجاب کابينې سوګند پورته کړو، د پنجاب ګورنر بليغ الرحمان د صوبائي وزيرانو سره سوګند پورته کړو.
د صوبائي کابينې د سوګند پورته کولو دستوره د لاهور په ګورنر هاؤس کښې اوشوه۔حلف اخيستونکو کښې رانا محمد اقبال، بلال ياسين، خواجه عمران نذير او مهرا اعجاز شامل دي۔
ملک ندیم کامران، رانا مشهود، حسن مرتضیٰ، علي حیدر ګیلاني، خلیل طاهر سندهو، ثانیه عاشق، عظمیٰ بخاري او اسد کھوکر هم په وزیرانو کې شامل دي.
له دوی نه علاوه مجتبی شجاع الرحمان، جهانګیر خانزاده، بلال اصغردایچ او فدا حسین وټو هم سوګند پورته کړی دی.
ياده دې وي چې حمزه شهباز د جولايي په ٢٢مه د پنجاب اسمبلۍ په غونډه کې په يوه نيمه مياشت کې د دويم ځل لپاره د پنجاب وزيراعلي وټاکل شو.
خو د هغه مخالف کانديد چوهدري پرويز الهي د پنجاب د وزيراعلي ټاکنه په سپريم کورټ کې چيلنج کړې وه، چې په اړه يې سترې محکمې د خپلې پرېکړې په ترڅ کې هغه ته تر دوشنبې پورې د وزيراعلی پاتې کېدو امر وکړ.
Leave a Reply