د ميدان وردګو سيدآباد ولسوالۍ کې د اوبو رسولوسيسم جوړيږي
د بیارغونې دا چارې به د سیمې ګڼ شمېر اوسېدونکو ته ٥٠٠ کاري ورځې رامنځته کړي، چې د یادو چارو تر بشپړولو وروسته به د سیمې ٢٧٦ کورنۍ پاکو او صحي اوبو ته لاس رسی پیدا کړي.
(2022 / 7 / 24 نېټه باغي ټلویزیون)
بشپړ راپور
د کلیو بیارغونې او پراختیا وزارت د اوبو رسولو او روغتیا ساتنې پروګرام تر چتر لاندې، د میدان وردګو ولایت سیداباد ولسوالۍ په هفت اسیاب خړیانو سیمه کې د څښاک اوبو رسولو سيستم د رغولو چارې تېره اونۍ پیل شوې.
د یاد کاري جریان په موده کې به د اوبو رسولو سولر سیستم، د څاه بیارغول او د دې شبکې د ساتنې په موخه یوه محافظوي احاطه ورغول شي.
د یادونې وړ ده، چې تر دې وړاندې یاد سیستم په ١٣٨٥ کال کې د ملي پیوستون پروګرام له لوري د ډیزلي برېښنا په واسطه رغول شوي و.
د بیارغونې دا چارې به د سیمې ګڼ شمېر اوسېدونکو ته ٥٠٠ کاري ورځې رامنځته کړي، چې د یادو چارو تر بشپړولو وروسته به د سیمې ٢٧٦ کورنۍ پاکو او صحي اوبو ته لاس رسی پیدا کړي.
هېره دې نه وي، چې د دې سیستم د رغولو مالي لګښت د کلیو بیارغونې او پراختیا وزارت په غوښتنه د یونېسف ادارې له لوري ورکول کیږي.
Leave a Reply