اروپايي ټولنې ویلي چې غواړي د رغنده تعامل لۀ لارې افغانانو ته چوپړتیاوې وړاندې کړي   

اروپايي ټولنې ویلي چې غواړي د رغنده تعامل لۀ لارې افغانانو ته چوپړتیاوې وړاندې کړي 

د بهرنیو چارو وزیر د پاول د خبرو په ځواب کې ویلي، چې  په افغانستان کې امنیت تامینول د حکومت مسوولیت دی، هیچا ته به اجازه ور نه کړي چې د هېواد دننه یا هم د افغانستان له خاورې نورو ته امنیتي ګواښ متوجه کړي.

(2022 / 7 / 24  نېټه باغي ټلویزیون)

بشپړ راپور 

په افغانستان کې د اروپایي ټولنې د استازي دفتر وایي چې دوی له ا.ا سره د رغنده تعامل له لارې غواړي افغانانو ته خدمات وړاندې کړي.

د بهرنیو چارو وزارت مرستیال ویاند حافظ ضیاء پر خپله ټویټرپاڼه لیکلي چې د اروپايي ټولنې د استازولۍ شاژدافیر ارنوټ پاول د بهرنیو چارو له سرپرست وزیر امیرخان متقي سره وکتل او پر ګڼو مهمو موضوعاتو یې خبرې ورسره وکړې.

سرچینې زیاته کړې، پاول له نوي حکومته مننه وکړه چې د دوی د استازولۍ او کارکوونکو امنیت یې خوندي کړي او له نوي افغان حکومت سره یې ښکېلتیا ته په اشاره وویل چې اروپايي ټولنه غواړي له ا،ا سره د رغنده تعامل له لارې د خپل ماموریت په ترڅ کې افغانانو ته خدمات وړاندې کړي.

د بهرنیو چارو وزیر د پاول د خبرو په ځواب کې ویلي، چې  په افغانستان کې امنیت تامینول د حکومت مسوولیت دی، هیچا ته به اجازه ور نه کړي چې د هېواد دننه یا هم د افغانستان له خاورې نورو ته امنیتي ګواښ متوجه کړي.

مرستیال ویاند ویلي، امیرخان متقي پر نړۍوالو غږ وکړ چې بشري موضوعات له سیاسي مسایلو سره ونه تړي او له نوي حکومت سره په افغانستان کې په راغلو مثبتو پرمختګونو سترګې پټې نه کړي.