اوکراين او روسيې د ملګرو ملتونو په منځګړيتوب د ترکيې په استانبول ښار کې د غلو دانو صادرولو لپاره هوکړه لاسليک کړه.
د دې هوکړې له مخې به روسيه اوکراين ته اجازه ورکوي چې د تور سمندر له لارې نورو هېوادونو ته غله دانه صادره کړي.
دا د اوکراين او روسيې ترمنځ د پيل شوې جګړې له راهيسې دا لومړنۍ هوکړه ده چې د دغو دواړو هېوادونو ترمنځ لاسليک کېږي.
د دې هوکړې لاسليکولو پرمهال د ملګرو ملتونو عمومي سرمنشي انتونيو ګوترېش هم موجود ؤ او د درې اړخونو له لوري لاسليک شوه.
د يادونې وړ ده چې څه موده مخکې ملګرو ملتونو خبرداری ورکړی ؤ چې که له اوکراينه د غلو دانو صادرات ژر پيل نه شي، نو يو شمېر هېوادونه به له لوږې سره مخ شي.
Leave a Reply