شهباز شریف به د پنجاب وزیراعلی وټاکل شي: حافظ حمدالله

باغی ټي وي رپورټ
د ضلع خیبر په تحصیل جمرود کښې د جمعیت علمای اسلام مشر او د PDM مرکزي ویاند پخوانی سینیټر حافظ حمدالله د جمعیت طلبه اسلام لخوا په غنډۍ کې د مرحوم حاجي صاحب افریدي په کور کې د پیغام اسلام د ځوانانو کنونشن او روزنیزه غونډه کې ګډون وکړو او په دې موقع ی د غونډې ګډون والو ته وینا هم وکړه.
د غونډې ګډون والو ته او د جمرود په غنډي هوسۍ سيمه کښې ميډيا سره خبرو کښې ده ووئيل د پاکستان ډيموکرېټک موومنټ کښې شامل ګوندونو په متفقه توګه فيصله کړې ده چې راتلونکي عام انتخابات به حکومت او اليکشن کميشن په ګډه په خپل وخت کوي او د هیچا په فشار کښې به نه راځي،هغه زیاته کړه چې د عمران خان تر فشار راتلو پرته به ټاکنو د وخت وړاندې و نه کړي او په خپل وخت به ټاکنې کوي.
په دي موقع د تحصيل باړه چيئرمېن مفتي کفيل آفريدي، حاجي محمد کريم آفريدي، حاجي عمر ناصر آفريدي، وي سي چيئرمېن مولانا نورالامين حقاني، مولانا ګل نواز آفريدي، مولانا دلاور درويش، قاري طارق، کاشف آفريدي، مختيار آفريدي، مولانا اقبال شاه او نورو ګډون کړي وو۔ حیدری.مولانا غفران الله خیبری، سید کبیر آفریدی، خبریال قاضی فضل الله، مولانا سعید خان آفریدی او نور موجود وو.
نوموړي اوویل چې په پنجاب كښې به پي ډي اېم حكومت جوړوي او حمزه شهباز شريف به وزيراعلي وټاکل شي د كوم لپاره چې سياسي لابي او خبراتر روانې دي. هغه ووئيل چې په پنجاب كښې هیڅ کوم خرڅیدل او اخستل نشته او دا کلچر عمران خان او د هغه ګونډ تحریک انصاف د سینیټ په ټاکنو کښې پیل کړې وو.