باغی ټي وي رپورټ
د مسلم لیګ (ق) ګوند مشر مونس الهي د پاکستان تحریک انصاف له مشر عمران خان سره د پنجاب ایالت د اعلی وزیر د ټاکنې په تړاو د تګلارې په اړه د سلا مشورې لپاره وکتل.
د ذرائعو ترمخه ملاقات کښې مونس الٰهي سره حسين الهي هم موجود وو چې پکښې عمران خان ته د پي ټي آئي او ق ليگ د تياريو په اړه بريفنګ ورکړے شو۔
سرچينې وائي عمران خان وئيلي دي چې پارليماني قوت اؤ اکثريت پي ټي ائي سره دى اؤ دانتخاباتي عمل د ګډوډولو هيڅ انتظامي هڅه به نۀ زغمي.
ياده دې وي چې د پنجاب د وزيراعلی د ټاکنې په اړه به پرېکړه نن کېږي، چې د مسلم ليګ ن حمزه شهباز او د تحريک انصاف په ملاتړ د مسلم ليګ (ق) چوهدري پروېز الهي يو ځل بيا له يو بل سره مخامخ دي.
د دواړو خواوو له خوا د بریالیتوب ادعاوې روانې دي. د پنجاب اسمبلۍ غونډه نن مازيګر څلور بجې رابللې شوې ده، پنجاب اسمبلۍ ته به د مېلمنو داخله بنده وي، ميډيا به د پريس ګېلري نه پوښتي، د موبائيل فونونو اجازت به نه وي۔
د پنجاب اسمبلۍ کښې د پي ټي آئي 15 نوي منتخب شوي غړو، د مسلم ليګ (ن) درې غړو او يو آزاد غړي سوګند پورته کړو څوک چې به چې د وزیراعلی د ټاکلو لپاره په ووټنګ کښې برخه اخلي۔
Leave a Reply