باغی ټي وي رپورټ
د اسلام آباد ضلعي او سيشن عدالت د پي ټي آئي لانګ مارچ دوران د ورانکارۍ په کيس کښې د عمران خان په 10 مقدمو کښې عبوري ضمانت کښې توسیع کړې ده۔
د سيشن جج کامران بشارت مفتي د پي ټي آئي لانګ مارچ په مهال د ورانکارۍ په کيسونو کښې د تحريک انصاف چيئرمين عمران خان د ضمانت درخواستونو اوريدنه وکړه۔
عدالت د پي ټي آئي چئیرمین عمران خان د حاضری نه د استثنیٰ درخواست منظور کړی او په لس کیسونو کښي ئي د هغه عبوری ضمانت د جولائي تر 30 پوری وغزولی دی.
عمران خان په کوهسار پولیس سټیشن کې درج شوي مقدمه کې هم د ضمانت درخواست کړی و، چې په اړه یې قاضي وویل چې دا سیاسي مقدمه ده خو تورن باید حاضر شي.
د سيشن جج ريمارکس ورکړو چې په مقدمه نمبر 425 کې تازه ضمانت شته، که ملزم حاضر شو نو حکم به جاري کوي، په دې اړه د جونيئر وکيل غوښتنه وکړه چې د نوي ضمانت درخواست دې راتلونکې اورېدنې ته هم وټاکل شي.
عدالت د مقدمې نمبر ۴۲۵ کې د ضمانت د درخواست اورېدنه هم په ۳۰ جولای ټاکلې ده.
Leave a Reply