باغی ټي وي رپورټ
دکورنيو چارو وفاقي وزير رانا ثناء الله وئيلي دي چې (ن) ليګ په زور حکومت کې نۀ دى راغلى بلکې مونږ د خپلو متحدينو په غوښتنه واک ترلاسه کړى دى.
د جيو نيوز پروګرام جيو پاکستان سره په خبرو کې رانا ثناء الله وويل چې د پي ټي ائي خلک پروپېګنډه کوي، ميا جليل شرقپوري او ميا رياض الدين په لس، لس کروړه خرڅ شوي دي.
هغه وويل که زه سترې محکمې ته راغوښتل شوى واى نو ددوى درواغ به مې افشا کړي واى، دوى دروغجن دي او ددوى کار تبليغات کول دي، دا ګوند د دروغو او د درغلې کوونکو یو ډله او ډنډ دى.
داخله وزير وويل (ن) ليګ په زور په حکومت کې نۀ دى راغلى بلکه مونږ د متحدينو په غوښتنه واک ترلاسه کړى دى.
Leave a Reply