په اروپا کښې د تودوخي درجه زیاته شوې ده

باغی ټي وي رپورټ
په اروپا کې په دې ورځو کې د ګرمۍ سخته څپې روانې دي چې د تېرو څو لسیزو ریکارډونه یې مات کړي دي.

د بهرنیو رسنیو د راپورونو له مخې په اسپانیا او پرتګال کې د سختې ګرمۍ له امله تر ۱۷۰۰ ډېر کسان مړه شوي دي.

د راپورونو له مخې په اسپانیا کې د جولای له ۱۰مې تر ۱۷مې د ګرمۍ له څپو ۶۷۸ کسان مړه شوي او په پرتګال کې د جولای له ۷مې تر ۱۸مې پورې ۱۰۶۳ کسان مړه شوي دي.
د هسپانیې لومړی وزیر پیډرو سانچیز وايي، په تېرو لسو ورځو کې په هسپانیه کې د سختې ګرمۍ له امله تر ۵۰۰ ډېر اتباع مړه شوي دي.

د هسپانیې لومړي وزیر ویلي چې د معلوماتو له مخې د تودوخې د لوړوالي له امله د مړینې خبر ورکړل شوی، ښاریان باید په سخته ګرمۍ کې له احتیاطه کار واخلي.

د بهرني خبري اژانس د راپور له مخې تېره اوونۍ د هسپانيا په يو شمېر سيمو کې د تودوخې درجه ٤٥ درجو ته رسېدلې ده، د تودوخې دغه زياتوالى د هسپانيا په ډېرو ځايونو کې د ځنګلونو د سوځېدو لامل شوى دى.
د يادونې وړ ده، چې په دې وروستيو ورځو کې د فرانسې، پرتګال او هسپانيې په ځنګلونو کې د سختې ګرمۍ له امله اور لګېدلى، په پرتګال کې ٧٥ زره جريبه او په فرانسه کې ٢٢ زره جريبه ځنګلونه سوځېدلي دي.له بلې خوا ملګرو ملتونو خبرداری ورکړی چې تر ۲۰۶۰ کال پورې به په ټوله نړۍ کې د تودوخې څپې دوام وکړي.