اروپايي ټولنه: که په ژمي کې د روسیې ګاز په بشپړ ډول بند شي، طرحه ورته لرو

اروپايي ټولنې ويلي که په راتلونکي ژمي کې پر اروپايي هېوادونو د روسيې ګاز په بشپړ ډول بند شي، نو طرحه مو ورته چمتو کړې ده.

د راپورونو له مخې په دې طرحه کې د اروپايي ټولنې غړو هېوادونه ته وړانديز شوی، چې د روسيې له لوري د ګازو د صادراتو د بندېدو په صورت کې، د ګازو لګښت دې ۱۵ سلنه راکم کړي.

دې طرحه کې راغلي چې د اړتيا په وخت کې غړي هېوادونه مجبور دي، چې ياده طرحه هرو مرو ومني او پلي يې کړي.

د اروپايي ټولنې کميسیون مشرې اورزولا فون په دې تړاو وويل، د کرونا وبا وښوده چې د اروپايي ټولنې غړي بايد په داسې شرايطو د يو او بل ترڅنګ ودرېږي.