اګست میاشت کښې به وضع ښه شي، ګراني به هم کمه شی: د خزاني قومی وزیر

باغی ټي وي رپورټ
د خزانې وزير مفتاح اسماعيل وئيلي دي چې په اګست مياشت کې به حالات سم شي او سياسي حالات به نورمال شي.

مفتاح اسماعیل په اسلام اباد کې د یوې خبري غونډې پر مهال وویل، دوی هڅه کوي چې واردات د صادراتو او راکړې ورکړې مساوي کړي، د ډېرو شیانو پر وارداتو بندیز لګول ګټه لري او ځینو یې نه دي کړي، مونږ په تېرو درېیو میاشتو کې هڅه کړې چې واردات کم کړو او خپل ملکي صادرات زیات کړو.
هغه وويل، دا د خوښۍ خبره ده چې په دې مياشت کې دغه تدبيرونه عملي شوي او ښې پایلې ی راغلي، د جولای په مياشت کې د ٢،٦ ميليونه ډالرو واردات وشول، د ٧٠٠ ميليونو ډالرو تېل وارد شوي، دوه ميليونه ډالره نور واردات راغلي، د انرژۍ واردات کم شوي دي، نن په پاکستان کې د ۶۰ ورځو لپاره ډیزل شته، کله چې په تیلو تخفیف ورکړل شو نو خلکو تیل ذخیره کړل.

مفتاح اسماعیل وویل چې د پیسو له نړیوال سازمان سره هوکړه شوې او په دې کې هیڅ ډول ګډوډي نشته، دوی به د IMF د تړون د ګډوډولو لپاره داسې څه ونه کړي، نړیوال بانک او اسیايي بانک څخه به هم د پیسو راتلل پیل شي او دا به زمونږ اقتصاد قوي کړي.

د مالیې وزیر وویل، اقتصاد اوس هم ښه روان دی، یو دوست هېواد د ۱.۲ میلیارد ډالرو د تېلو ورکول ژمنه کړ ېده ، هغه اوویل چې دوست هېواد به په سټاک ایکسچینج په برخه کښې هم یو میلیون ډالر پانګونه وکړي.