باغی ټي وي رپورټ
مسلم ليګ (ن) مشر محسن شاه نواز رانجها وئيلي دي چې نوازشريف غواړي چې مونږ په حکومت کښې پاتې شو تر څو ګراني کمه کړو او خلکو ته ارزانه پټرول ورکړل شي.
د جيو نيوز پروګرام کيپيټل ټاک کې کوربه حامد مير د مسلم ليګ (ن) له مشر محسن رانجها پوښتنه کړې چې که نن ډالر ۲۲۴ رسیدلې دې نو د نواز شريف سره ددې د حل لاره څه ده؟
د حامد مير د پوښتنې په ځواب کې محسن شاه نواز رانجها وويل چې د دې ټول صورتحال په اړه لا هم مشورې روانې دي او نواز شريف فکر کوي چې که د پاکستان اقتصادي وضع ښه شي نو د دې حکومت مخ په وړاندې تلل مناسب دي او که د هیواد اقتصادي حالت ښه نه شي او وضعه خرابه شي، اقتصادي بې ثباتي رامنځ ته نه شي نو په دې برخه کې هم د مشورو لړۍ روانه ده.
د نواز شريف د دريځ په بيانولو سره هغه وويل د نواز شريف په وينا په حکومت کې د پاتې کېدو مقصد خلکو ته ریلیف ورکول دي، هغه غواړي چې مونږ په حکومت کې پاتې شو چې په ملک کښې ګراني کمه کړو او خلکو ته ارزانه پټرول ورکړل شي.
محسن شاه نواز رانجها وویل زمونږ اصلي سیالي د عمران خان سره نه وه بلکې د ګرانۍ سره وه، د ګرانۍ زیاتیدل او د نرخونو لوړیدو زمونږ اهمیت کم کړې دې.
Leave a Reply