افغان خبریالان د سختو مالي ستونزو سره مخ دي

نصیب شاه شینواري
په افغانستان کښې د نوي حکومت راتلو څخه پس په دې هیواد کښې یو شمیر خبریالانو خپلې دندې د لاسه ورکړي دي او دوی د مالي ستونزه سره مخ دي.
د پاکستان په پایه تخت اسلام آباد کښې یو شمیر افغان خبریالان نیشنل پریس کلب اسلام آباد ته تللي دي. د اسلام آباد یو خبریال افضل بټ په خپل فیس بک پانړه دا خبر خپور کړې او وایی چې
په افغانستان کې ښځینه او نارینه خبریالان چې د قلم او کیمرې په مرسته یې د خپلو کورنیو ساتنه کوله نن سبا د پخواني افغان حکومت له سقوط او د نوي حکومت له جوړېدو وروسته د اقتصادي بحران له امله دغه ټول خبریالان بې کاره او بې کوره شوی هم دي.
په اسلام آباد کښې میشت دا خبریال لیکي چې په اسلام اباد کې دغه افغان نارينه او ښځينه خبريالان نه د سر پټولو ځای لري او نه هم د ورځې دوه وخته ډوډۍ خوړلو لپاره پيسې لري.
دغه افغان خبریالان خبريالان پرون له يوه پلاوي سره نېشنل پريس کلب ته په دې هيله راغلي وو چې د اسلام اباد په ګډون د پاکستان نور خبريالان به د ورورولۍ په ښودلو سره د افغان خبریالان د ستونزو د هواري لپاره خپل غږ پورته کړي او همکاري به ورسره وکړي.
په داسې وخت کښې چې افغان خبریالان د سختو مالي ستونزو سره مخ دي او په پاکستان کښې ی د پاتې کیدو قانوني وخت ی هم پوره شوي دې، پاکستان حکومت او په اسلام آباد کښې موجود افغان چارواکي باید دې افغان خبریالانو سره پوره پوره مرستې وکړي او ددوی ستونز زر تر زر هوارې کړي.
د پاکستان او قبایلي سیمو د خبریالانو اتحادیی مشرانو د حکومت پاکستان او افغان حکومت څخه غوښتنه کړې ده چې د افغان خبریالانو ته راپیښې ستونزې دې هواري شي.