د کرونا نوې څپه؛ امريکا کې په يوه ورځ کې د کرونا ۱۲۰ زره پېښې ثبت شوې

د امريکا په شمول د نړۍ نورو هېوادونو کې د کرونا بله څپله مخ په پراخېدو ده.

تازه په تازه په امريکا متحده ايالاتونو کې يوازې په يوه ورځ کې د کرونا ۱۲۰ زره مثبتې پېښې ثبت شوي دي.

د امريکا د کرونا برخې همغږي کوونکي ډاکتر اشيش جا وايي چې په دېې اونۍ کې هره ورځ په امريکا کې له ۱۲۰ زرو پورته د کرونا پېښې ثبتېږي.

نوموړی زياتوي دې شمېرو ته په کتو ويلی شو چې په امريکا کې د تېرې اونۍ په پرتله د کرونا پېښې ډېرې شوي دي.

هغه زياته کړې چې هره ورځ لږ تر لږه ۳۵۰ تنه امريکايان د کرونا له امله خپل ژوند له لاسه ورکوي، چې دا زموږ لپاره د اندېښنې وړ ده.

امريکا داسې مهال دغه اعلان کوي چې د چين په هانګ کانګ، جاپان او ځينو نورو هېوادونو کې هم دې ورځو کې د کرونا بله څپه مخ په پراخېدو ده.