د اوکراین د استخباراتو او لویه څارنواله لۀ دندې ګوښه شوي دي 

د اوکراین د استخباراتو او لویه څارنواله لۀ دندې ګوښه شوي دي 

د اوکرایني رسنیو د راپورونو له مخې، پر دوی تور دی چې د اوکراین د ملی امنیت ضد جرمونه یې ترسره کړي او روسانو ته یې پټ معلومات ورکړي دي، په داسې حال کې چې لویې څارنوالې په جګړه کې د روسي سرتیرو له خوا د جنګي جرمونو د څیړلو مسوولیت هم درلود.

(2022 / 7 /  18   نېټه باغي ټلویزیون)

بشپړ راپور 

د اوکراین ولسمشر ولادیمیر زیلینسکي د خپل هېواد د استخباراتو مشر او دغه راز لویه څارنواله له دندو ګوښه کړي دي.

ولادیمیر زیلینسکي د یو ویډیویي پیغام له لارې ویلي چې د استخباراتو مشر ایوان باکانوف او لویه څارنواله ایرینا وینیدیکتوا له دې وروسته د دوی د کابینې غړي نه دي.

د اوکرایني رسنیو د راپورونو له مخې، پر دوی تور دی چې د اوکراین د ملی امنیت ضد جرمونه یې ترسره کړي او روسانو ته یې پټ معلومات ورکړي دي، په داسې حال کې چې لویې څارنوالې په جګړه کې د روسي سرتیرو له خوا د جنګي جرمونو د څیړلو مسوولیت هم درلود.

له دغو دواړو سره شاوخوا ۶۰ نور عدلی کارکوونکي هم له دندو لرې شوي دي.