WFP ویلي چې سږ کال یې میلیونونه افغانانو سره مرسته کړې ده
WFP ویلي چې سږ کال یې میلیونونه افغانانو سره مرسته کړې ده
د دې ادارې د معلوماتو له مخې چې شاوخوا ۲۳ میلیون افغانان غذايي خوندیتوب نه لري، خو په دې کې ۹ میلیونه داسې کسان هم شته چې د خوړو بېړنیو مرستو ته ضرورت لري.
(2022 / 7 / 18 نېټه باغي ټلویزیون)
بشپړ راپور
د خوړو نړیوال پروګرام (WFP) ویلي چې سږ کال یې له میلیونونه افغانانو سره د خوړو او مسلکي زدهکړو په برخه کې مرسته کړې ده.
WFP یکشنبه پر رسمي ټویټرپاڼه لیکلي، د هغو افغانانو شمېر شاوخوا ۱۰ میلیونه کسانو ته رسېږي چې دوی ورسره مرسته کړې ده.
د دوی په وینا، دا مرستې تر ډېره پورې بېسرپرسته مېرمنو او بېوزلو کسانو ته رسېدلې دي.
د خوړو نړیوال پروګرام ادارې ویلي چې بېسرپرسته ښځې د افغاني ټولنې تر ټولو زیانګالې برخه ده چې ژوند یې د تاوتریخوالي، اقتصادي کړکېچ او وچکالۍ له کبله له کړاو سره مخامخ دی.
د دې ادارې د معلوماتو له مخې چې شاوخوا ۲۳ میلیون افغانان غذايي خوندیتوب نه لري، خو په دې کې ۹ میلیونه داسې کسان هم شته چې د خوړو بېړنیو مرستو ته ضرورت لري.
تر دې وړاندې هم یو شمېر نړیوالو سازمانونو د افغانستان نږدې ټول وګړي د خوړو له نهشتون سره مخامخ بللي.
بلخوا والسټرېټ ژورنال ورځپاڼې د افغانستان په اړه په تازه خپره کړې مقاله کې ویلي چې په دغه هېواد کې اقتصادي وضعیت مخ پر ځوړ روان دی.
Leave a reply
