عمران خان د ټاکنو په کمیشن بیا هم نیوکې کړي

باغی ټي وي رپورټ
د پنجاب اسمبلۍ په ۲۰ څوکیو د ضمني انتخاباتو نتیجې روانې دي او تر اوسه د غیر رسمي پایلو له مخې پاکستان تحریک انصاف ۱۲ څوکۍ او مسلم لیګ (ن) ۲ څوکۍ ګټلې دي او یوه څوکۍ آزاد امیدوار ګټلې ده.

د پاکستان تحریک انصاف ګوند مشر عمران خان د غیر حتمي او غیر رسمي پایلو له مخې د ضمني انتخاباتو له ګټلو وروسته په سوشل میډیا یو بیان خپور کړې دې.
عمران خان په ټویټر خپور پیغام کښې ویلي دي چې زه د ملکی ادارو او پولیسو ظلم او د ټاکنو کمیشن د تعصب باوجود دوی ته په ماتې ورکولو د پي ټي آیی امیدوارانو، د پنجاب رای ورکوونکو مشرانو او کارکوونکو ستاینه کوم او دوی له مبارکي ورکوم.
عمران خان دا هم لیکلي دی چې د خپلو ټولو اتحادي مسلم ليګ (ق)، مجلس وحدت المسلمين او سني اتحاد كونسل څخه هم مننه كوم۔
د دې نه علاوه عمران خان وئيلي دي چې د دې نه وړاندې يواځينۍ لاره دا ده چې د يو باعزته اليکشن کميشن تر څارنې لاندې ازادې او شفافې ټاکنې ترسره شي او بله کومه لاره به د سياسي بې ثباتۍ او اقتصادي انتشار د لا زياتېدو سبب شي.

سب سے پہلےمیں مسلم لیگ نواز کےامیدواروں ہی کو نہیں بلکہ پوری ریاستی مشینری خصوصاً پولیس کے جبر و ستم اور مکمل طور پر ایک متعصب الیکشن کمیشن کو شکست دینے پر پاکستان تحریک انصاف کے اپنے کارکنان اور پنجاب کے ووٹرز کا شکریہ ادا کرنا چاہتا ہوں۔
pic.twitter.com/TgFqQ7EDj0

— Imran Khan (@ImranKhanPTI) July 17, 2022